Британски нуклеарен фузиски реактор достигна температури пожешка од центарот на Сонцето во тест кој претставува чекор напред кон неограничена чиста енергија.
Реакторот Токамак достигна 15 милиони ° C во објект во Оксфордшир, како дел од подготовките за снабдување на мрежата на Велика Британија со моќ на фузијата до 2030 година.
Една топка од плазма била потопла од центарот на Сонцето, со што се создала надеж за откритие за кое физичарите сонуваат повеќе од 50 години: нуклеарна фузија.
На само неколку километри од Токамак се наоѓа компанија наречена First Light Fusion, која следната година планира да создаде најгуста супстанција на Земјата. И двете компании планираат да успејат таму каде што државите не можеа. Под нуклеарна фузија се подразбира нуклеарна реакција во која две или повеќе атомски јадра со голема брзина се судираат и создаваат ново атомско јадро. Со овој процес се ослободуваат големи количини на енергија, но со помалку зрачење.
Кога нуклеарната фузија би функционирала на Земјата, би произвеле енергија во изобилство, како океаните. Сепак, ова никогаш не е направено економично.
Што е тоа Токамак?
Токамак е најразвиен систем за магнетно задржување и е основа за дизајнирање на реактори за фузија. Плазмата е сместена во вакуум сад, кој потоа се загрева така што низ него поминува струја. Комбинацијата од две групи на магнетни калеми создава поле во вертикални и хоризонтални насоки, дејствувајќи како магнетен „кафез“ за да ја одржи и обликува плазмата. Греењето обезбедено од струјата во плазмата обезбедува една третина од температурата од 100 милиони ° C што е потребна за да се направи фузија.
Дополнително загревање на плазмата е обезбедено кога неутралните водородни атоми се инјектираат со голема брзина во плазмата, јонизирана и заробена од магнетното поле. Како што се забавуваат, ја пренесуваат својата енергија во плазмата и ја загреваат. Високофреквентните струи, исто така, се индуцираат во плазмата со надворешни калеми. Фреквенциите се избрани за да одговараат на регионите каде апсорпцијата на енергија е многу висока. На овој начин, големи количини на енергија можат да се пренесат во плазмата.
