ЛЕГО има изградено функционирачки модел на најбрзиот автомобил во светот од повеќе од еден милион тули и 2.300 мотори-играчки за рекреирање на Bugatti Chiron.
Освен челичната рамка, репликата е целосно направена од парчиња LEGO или LEGO Technic.
Ова вклучува функционални предни и задни светла, врати, кои се отвораат и затвораат, раскошно детален ентериер со волан, контролна табла, менувач, седишта, сопирачки и огледала. Зашеметувачкиот дизајн „ги истурка границите на она што го замислиле градителите на ЛЕГО“, велат од компанијата, па дури може да се изгради и дома.
Тој чини 350 долари, тежи 1.500 килограми и може да забрза до максимална брзина од 12 километри на час со 5.3 коњски сили – додека вистинската верзија може да достигне 261 километри на час, достигнува 60 километри на час за 5,2 секунди, има 1.479 коњски сили и чини околу 3 милиони долари.
За да ги добијат вистинските бои, LEGO дури морал да изработува 56 нови делови за оваа конструкција, за што биле потребни повеќе од 13.400 работни часа.
ЛЕГО започна со изработка на моделот во септември минатата година, по неколку месеци планирање, а заврши пред неколку месеци.
Двајца патници можат да седат во целосно функционалниот автомобил, за кој не е користено лепило во процесот на изработка. Данската компанија за играчки со седиште во Билунд изјави дека моделот се напојува исклучиво со користење на мотори од платформата LEGO Power Function и содржи 2.304 мотори и 2.032 LEGO Technic опрема.
На саемот на ИАА во Франкфурт минатата година, Бугати објави дека Chiron го сруши рекордот за најбрз свтомобил од нула до 249-0 милји на час, со тоа што го комплетираше тоа за 41,96 секунди за само две милји, додека поранешниот возач на Формула 1, Хуан Пабло Монтоја, беше зад воланот.
