Беровец си купил моторна пила „Штил“. По една недела, компанијата добива писмо од беровецот:
„Јас од вас купил моторна пила. Во упатството пишува дека може да сече по 50 кубика дрва на ден. Јас сечев цел ден – 20 кубика. Наредниот ден станав многу рано, цел ден сечев, без одмор, многу се изнамачив, но пак успеав да исечам само 30 кубика. Дојдете да видите зошто мојата моторна пила не работи како што треба!“
Од компанијата решиле да отидат да видат, бидејќи никој до тогаш им немал пријавено таков проблем. Отишле во Берово, го нашле човекот и тој почнал да сече пред нив. Исекол неколку дрва и им рекол:
– Еве! Цел ден сечам вака и одвај 30 кубика. Никако не можам да исечам повеќе!
Едниот од комисијата му вели на другиот:
– Леле! Што ли ќе се случи сега кога ќе му кажеме како се пали моторната пила!
