Дали често се сомневате во вашиот избор? Како на пример кога облекувате кошула и размислувате дали подобро ви стои сината или белата? Тогаш овие загатки се само за вас. Тие не само што ќе ви помогнат да донесувате вистински одлуки, туку исто така ќе ви дадат вистински аргументи за нив. Одговорите на загатките се на втората страна.
1. За време на една забава, две момчиња по име Кирил и Никола се скарале за девојката Елена, која ја организирала забавата, затоа што им се допаѓала и на двајцата. Елена за да ја смири ситуацијата смислила игра во која победникот ќе може да излезе со неа на вечера.
Правилата се едноставни:
- Двајцата седат на совршено тркалезна маса.
- И двајцата имаат монети кои треба да ги користат за покривање на масата.
- Монетите не смеат да се пресекуваат или да висат надвор од масата.
- Првиот играч има повеќе шанси да победи ако правилно ја постави првата монета.
- Победникот е оној кој прв ќе ја покрие масата со монети.
- Кирил е убеден дека ќе победи и затоа го пушта Никола да почне прв.
Прашање: Која стратегија треба Никола да ја избере за да победи?
2. Филип имал несреќа и го изгубил сеќавањето. Неговиот лекар му рекол дека има добри вести и лоши вести за него. Добрата вест била дека неговото сеќавање ќе биде обновено, а лошата вест била дека ќе се врати само делумно. По болницата, Филип заминал дома. Живеел сам. Тој имал аларм дома, но тој заборави за тоа. Кога влегол, алармот се вклучил и дошла полицијата. За жал, само сопственикот на станот ја знае лозинката, но тој ја заборавил. Филип имал белешка на која имало упатство за лозинката која што тој некогаш ја креирал.
Ниту Филип ниту полицајците не ја сфатиле белешката и затоа донеле специјалист кој требал да ја дешифрира белешката. На неа пишувало:
- Лозинката е 5 цифри.
- Четвртата цифра е поголема од втората за 4.
- Третата е помала од втората за 3.
- Првата е 3 пати поголема од петтата.
- Три пара цифри изнесуваат 11 заедно.
Прашање: Кој 5-цифрен код треба да биде внесен за конечно да го исклучите алармот?
3. Петар и неговите пријатели кампувале во шумата. Тие си раскажувале страшни приказни покрај огнот. Таа вечер Петар сонувал необичен сон… или пак не?
Сонот на Петар бил многу реалистичен. Тој се изгубил во шумата и пронашол чудна пештера. Било доцна и тој бил уморен и затоа решил да се одмори во пештерата. Кога влегол во неа, го нашол кралот на гоблините. Кралот бил навистина среќен што Петар го посетил. Никој не го посетил многу долго време. Петар сакал да побегне но излезот го снемало, имало само ѕидови.
Ова биле условите на кралот:
- За да ја напушти пештерата, Петар морал да избере една од трите бонбони.
- Две од бонбоните биле отровни и само една била безбедна.
- Кралот сакал да му помогне на Петар. Кога тој ќе земе една бонбона, кралот ќе фрли една од отровните бонбони и ќе побара од него повторно да избере.
Петар ја избрал портокаловата бонбона. Кралот рекол дека сината е дефинитивно отровна и ја фрлил. Потоа го прашал Петар дали ќе ја промени својата одлука или не.
Прашање: Дали Петар го променил својот избор и зошто?
Одговорите се на втората страна…
