Кинеската вселенска станица, која беше излезена надвор од контрола, Tiangong 1, се урна на Земјата со брзина од 27.000 километри на час во близина на брегот на Тахити, но за среќа поголемиот дел од неа се распаднал кога навлегла во атмосферата на планетата.
„Пензионирањето“ на космичката станица од девет тони беше предмет на научни шпекулации со месеци поради стравувањата дека големи делови од неа би можеле да паднат во населени места. Експертите не беа во можност да предвидат каде ќе се урне инсталацијата, која е приближна со големина на училишен автобус, но на крајот таа повторно влезе во атмосферата на Земјата над Јужниот Пацифик.
Таа повторно влезе во атмосферата околу 8:15 часот по Пекингшко време (0015GMT) и „поголемиот дел“ од неа изгорел при повторно влегување, според кинеското вселенско инженерство. Неколку минути пред тоа, нивната најдобра проценка предвидуваше дека се очекува станицата да падне на брегот на Бразил во Јужен Атлантик, во близина на градовите Сао Паоло и Рио де Жанеиро.
Кинеската вселенска агенција во неделата соопшти дека станицата ќе достигне брзина од речиси 27.000 километри на час пред да се распадне. Тие претходно рекоа дека нејзината огнена дезинтеграција ќе понуди „прекрасно“ шоу слично на метеорски дожд, но далечната локација веројатно ги лишила набљудувачите од спектаклот на огнени топки што паѓаат од небото.
Властите велат дека секој отпад од вселенската станица ќе носи хидразин – високо токсично ракетно гориво и ги предупредија луѓето да се воздржат од допирање или вдишување на гасовите. Станицата која се урна во понеделник наутро, требала да се урне во сабота попладне, но се забавила поради промените во временските услови во вселената, според Европската вселенска агенција.
