Пред да заминете во непозната земја, треба да се запознаете со нејзината култура. Особено ако одите во Азија каде што општеството сѐ уште следи одредени традиции и има хиерархиска структура. Една од овие традиционални земји е Јужна Кореја со своите застрашувачки карактеристики и необични табуа.
10. Не се играјте со стапчињата за јадење.
Постојат многу табуа поврзани со стапчиња за јадење во корејската култура. На пример, ако ја прободувате храната со стапчиња за јадење (како што би го направиле тоа со вилушка), тогаш гостопримливиот домаќин или готвачот ќе го смета тоа за лична навреда. Држењето стапчиња во вертикална положба или стапчиња што се заглавени вертикално во оризот се поврзани со смртта во Јужна Кореја, бидејќи на погреби се ставаат запалени стапчиња во песокот.
9. Не ги покажувајте тетоважите.
Во Јужна Кореја (како и во другите азиски земји) постои посебен став кон тетоважите. Работата на уметниците за тетоважи незаконска и само на медицинските работници им е дозволено да се справат со „сликањето на телото“. Ако имате тетоважи, може да бидете третирани непријателски на јавни места или да не бидете вработени.
8. Не носете длабоко деколте.
Длабокото деколте се смета за премногу отворено и секси помеѓу Корејците. Тие речиси никогаш не носат маици или фустани со деколте. Но, затоа кај мини здолништата ситуацијата е обратна. Девојките активно носат мини и се обидуваат да се покријат со чанти или списанија кога одат по екслатори.
7. Не оставајте бакшиш на келнерите.
Бакшишот се смета за навреда во Јужна Кореја.
6. Не оставајте храна на чинијата.
Корејците имаат многу посебен став кон храната. Сеќавањата за војната меѓу Северот и Југот, како и јапонската анексија сѐ уште се свежи. Овде порциите се големи и зачинети. При посета на нечиј дом, не е прифатливо да се одбие освежување, а особено да оставите храна во чинијата. Во кантините, кафулињата и рестораните исто така можете да добиете укор ако оставите храна во вашата чинија.
5. Не зјапајте во локалците.
Корејците го доживуваат ова како упад во личниот простор. Исто така, не се обидувајте да ги фотографирате локалните жители без да прашате. Бидејќи доколку личноста докаже дека сте ја фотографирале без согласност можете да добиете парична казна или да оминете некое време во полициска станица.
4. Не влегувајте во конфликти, особено не со повозрасната генерација.
Во Кореја, хиерархијата на возраста е многу силна. Помладите мора да ги почитуваат своите старешини и да не бидат непристојни. Постарите тетки имаат скандалозен карактер, но во никој случај не треба да им се спротивставувате, дури и ако тие не се во право и сами го започнале конфликтот. Генерално, сите конфликти во Јужна Кореја се решаваат во полза на локалните жители. И овој факт активно се злоупотребува од измамници.
3. Не бидете збунети од темата за „измет“.
Во Јужна Кореја изметот не е табу тема. Таму луѓето разговараат на својот измет за време на ручек, на состанок со момчето/девојката, кога се среќаваат со пријателите и слично. Исто така може да се случи некој да ве праша каков е вашиот измет.
2. Не ги допирајте луѓето кои што лежат на улица.
Има посебен однос кон алкохолот во Јужна Кореја. Корејците работат напорно и многу пијат. Тоа не се случува секој ден, туку обично на крајот од работната недела. Тие обично пијат заедно со нивните соработници колективно и не смеат да го одбијат барањето на нивниот шеф. По ваквите настани, убаво облечени, но пијани мажи и жени лежат на улиците и во метрото во Сеул. Нема потреба да ги допирате, да се обидувате да ги разбудите, или да ги однесете дома. Не грижете се, нема да бидат ограбени и полицајците ќе се уверат дека тие безбедно ќе се вратат дома.
1. Не пушете каде што сакате.
Дозволено е да пушите во Кореја, но не насекаде. Постојат посебни области за пушење каде што чадот од цигари нема да им смета на останатите. Тоа би можело да биде посебна просторија или дури и обичен правоаголник на асфалтот на кој пишува дека пушењето е дозволено тука. Постојат многу места за пушење во Кореја, особено во местата каде што има повеќе луѓе. И запомнете, ако одлучите да запалите цигара на погрешно место, подгответе се да платите парична казна.
