Дали роботите ќе пишуваат казни и ќе ги апсат луѓето во иднината? Тоа нема многу да не изненади. Форд официјално поднесе барање за патент за автоматизиран полициски автомобил. Сега, тоа не значи дека автономен, вештачки интелигентено полициско возило всушност ќе биде пуштено на патиштата, или пад дека ќе биде целосно развиено. Но, тоа покажува дека таквата идеја се сфаќа сериозно и може да биде можност во иднината.
Автоматизираното полициско возило опишано во патентот би можело да открие прекршоци направени со други возила. Тоа може да го стори тоа целосно самостојно, но исто така ќе биде способно да работи со камери за надзор и/или патни сензори. Возилото би можело да издаде предупредување или казна или да оди подалеку доколку „одлучи“ дека тоа е неопходно. Може да го следи возилото кое го прави прекршокот и како што пишува во патентот: „извршувајќи далечински една или повеќе акции“.
Покрај тоа што може безжично да се поврзе со наводното возило за да комуницира со патникот и да издаде предупредување, автоматизираното полициско возило ќе може да направи разлика дали возилото треба да добие казна или само предупредување.
Патентот, исто така, сугерира дека полициските службеници можеби ќе можат да го преземат возилото со вештачката интелигенција, или дури и да ги користат неговите безжични бази на податоци за да добијат информации за осомничените и сторителите.
Сега, иако ова е сè уште само патент, го покренува прашањето дали е етички да се стави законот во рацете на вештачката интелигенција. Веќе е докажано дека таа не е толку безбедна и непристрасена како што некогаш сме мислеле. Значи, ако концептот на полициската акција со вештачка интелигенција се движи напред, дали е нешто на што можеме да веруваме дека правично ќе го почитува законот?
