Ние секогаш мислиме дека времето е стационарен процес. Ни изгледа дека некои работи постоеле отсекогаш, а познатите луѓе честопати се поврзуваат со одреден временски период. Но, понекогаш нашата перцепција на времето нè изневерува и нè изненадува. Ова се неколку вистинити факти за одредени периоди и нивната поврзаност.
1. Кога излегол првиот дел од филмот „Војната на ѕвездите“, гилотината сè уште била користена во Франција за егзекуции.
Првиот филм на „Војна на ѕвездите“ излегол на 25 мај 1977 година. Последната егзекуција од гилотина била спроведена во Марсеј на 10 септември 1977 година. Ова била последната смртна казна во Западна Европа. Официјално, употребата на гилотина во Франција била укината заедно со смртната казна во 1981 година.
2. 2 луѓе кои се родени во истиот момент можат да ги слават своите родендени во различни денови.
Ова е поради временските зони.
3. Мартин Лутер Кинг Џуниор, Ана Франк и Кристофер Пламер се родени во истата година.
Познатиот проповедник и јавен говорник Мартин Лутер Кинг Џуниор и храбрата Ана Франк се чини дека се од сосема поинакви временски периоди. Но, всушност, тие се родени истата година – 1929 година. Исто како и познатиот холивудски актер Кристофер Пламер.
4. Клеопатра не живеела многу близу до создавањето на пирамидите. Отворањето на Мекдоналдс всушност е поблиску до нејзиниот временски период.
Може да изгледа како Клеопатра и египетските пирамиди да се симболи за истиот временски период. Всушност, тоа не е вистина. Клеопатра е родена во 69 п.н.е. Во тоа време, Големата пирамида од Гиза била веќе имала 2.471 година. И најчуден факт е дека има помалку време помеѓу раѓањето на Клеопатра и отворањето на првиот ресторан на Мекдоналдс – само 2.024 години.
5. Некои од китовите кои живееле кога била напишана новелата Моби Дик, сè уште се живи денес.
Херман Мелвил ја напишал Моби Дик во 1851 година, а китови во Гренланд се сметаат за животни кои живеат многу долг живот. Научниците ја проценувале возраста на таков кит и дошле до заклучок дека имал 211 години!
6. Авион од Нов Зеланд патувал низ времето.
Еден хавајски авион полета од Окленд во 00:05 на 1 јануари 2018 година. Патниците во авионот биле среќни да ја прослават Новата Година двапати, бидејќи авионот слета во Хонолулу во 10:16 по локално време на 31 декември 2017 година.
7. Внуците на американскиот претседател Џон Тајлер, кој е роден во 18 век, сè уште се живи.
Џон Тајлер е роден пред повеќе од 200 години, во 1790 година. Но, неговите двајца внуци, Лион Гардинер Тајлер Јуниор и Харисон Рафин Тајлер, сè уште се живи. Работата е во тоа што, на 63-годишна возраст, Џон Тајлер имал син – Лион Гардинер Тајлер. И вториот станал татко (неговиот син бил Лион Гардинер Тајлер Јуниор) на возраст од 71 година. Значи, минатото е поблиску отколку што мислите.
8. Warner Bros. Studios се појавиле кога Отоманската империја сè уште постоела.
Во 1903 година, браќата Варнер (чии родители биле првично од Руската империја) го отвориле својот прв филмски театар наречен Каскада. До почетокот на Првата светска војна, тие веќе продуцирале филмови. До 1918 година, тие го отвориле Ворнер Брос Студио. Отоманската империја постоела до 1923 година кога била формирана Турската Република.
9. Во текот на животот на кралицата Елизабета Втора, имало 16 различни претседатели на САД.
Елизабет II е родена во 1926 година кога Калвин Кулиџ бил претседател на САД. Оттогаш има 15 наследници.
10. Tiffany & Co. накит компанијата е постара од Италија.
Чарлс Луис Тифани и Џон Јанг ја отворија својата прва продавница на Бродвеј во 1837 година, а модерната Италија, Италијанската Република, е формирана во 1861 година.
11. Ако ја сместите целата историја на Земјата во 1 година, луѓето ќе се појавиле во 23:35 на 31 декември.
Ајде да ја замислиме историјата на Земјата како една година. Тогаш дури на 1 декември ќе ги има првите ‘рбетни животни. Диносаурусите ќе исчезнат на 26 декември, а првиот човек ќе се појави на 31 декември во 23:35 часот.
12. Сега сме поблиску до 2033 година отколку до 2000 година.
Кога слушаме „пред 10 години“, сè уште размислуваме за 90-тите, а не за 2000-тите. Патем, поминаа 18 години од 2000 година. И ние имаме само уште 15 години до 2033 година.
Кој факт најмногу ве изненади? Можеби имате свои примери кога вашата перцепција за времето ве изневерила?
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
