Постојат моменти во животот на секој човек кога се чини дека целиот свет е против нив. Во такви ситуации, најважно е да не се откажуваме или да дозволиме тешкотиите да победат. Ова се 10 приказни за луѓе со неверојатна волја за живот. Овие луѓе му покажале на светот дека е можно да се справиме со било каков проблем под секакви околности. Најважно е да верувате во себе и во вашите способности.
1. 500 километри низ ладна пустина на Антарктикот
Во 1912 година, 3 австралиски научници отпатувале на експедиција на Антарктикот. Кога се враќале назад, еден од нив паднал во пукнатина, заедно со нивните санки и поголемиот дел од нивните резерви и тој починал. Со цел да се вратат во базата, двајцата научници кои преживеале (Даглас Мојсон и Хавиер Мериц) морале да пешачат 500 километри низ ледената пустина.
Тие имале храна за само една третина од патувањето и морале да ги изедат своите кучиња. Мериц починал од глад и исцрпеност. Даглас издржал до базата, но таму го чекале уште лоши вести. Аурора, бродот кој требал да ги врати дома си заминал пред 5 часа. Даглас го чекал наредниот брод 10 месеци.
2. 80 минути во ледена вода
Ана Багенхолм скијала низ стрмна планина кога изгубила контрола и паднала во замрзната вода на блискиот водопад. Нејзината глава и тело биле под дебел слој мраз, а нејзините нозе и скии се уште биле надвор. Ана поминала 80 минути во водата. Таа пронашла воздушен џеб помеѓу мразот и водата и можела да дише. Температурата на нејзиното тело била толку ниска, колку што изнесувала 13,6 °С. Ова била најниската температура која некое човечко суштество ја имало.
Операцијата за спасување на Ана траела 80 минути. Девојката била пренесена во болница и клинички била мртва. Но, 3 часа подоцна, нејзиното срце почнало да чука повторно. Лекарите сметаат дека причината што Ана преживеала е дека нејзиното тело било во „хибернирана“ состојба.
3. 10 дена во пустината Сахара без храна или вода
Мауро Проспери преживеал повеќе од една недела во пустината Сахара. Тој трчал маратон, но се загубил за време на песочна бура. Отишол 280 километри во погрешна насока. Поради топлината Мауро пешачел само наутро и навечер, а за време на денот се одмарал. Тој нашол мала капела, фатил неколку лилјаци и ја испил нивната крв. Проспери се обидел да изврши самоубиство со сечење на вените, но неговата крв коагулирала и не умрел.
Ова бил знак за човекот дека треба да го продолжи својот пат. 5 дена подоцна, тој нашол мала оаза. 2 дена подоцна, тој бил најден од некои номади кои го однеле во болница. Мауро изгубил 40 килограми. 2 години подоцна, Проспери учествувал на друг маратон. Тој го завршил и се вратил дома.
4. Паѓање од 10.160 метри
На 26 јануари 1972 година, стјуардесата Весна Вуловиќ по грешка се качила на лет од Копенхаген во Белград. Кога авионот бил на надморска височина од 10.160 метри, бомба експлодирала во задниот дел на авионот. Авионот паднал во планините, а 27 лица загинале. Весна Вуловиќ била единствениот преживеан, а таа била во задниот дел на авионот. Весна се здобила со повреда на мозокот, а нејзините нозе и 3 од нејзините пршлени биле скршени. Таа била парализирана.
Жената поминала долго време во болница. Имала многу операции и можела повторно да оди. Нејзиното име е во Гинисовата книга на рекорди како личност која го преживеала најдолгиот пад без падобран. Весна Вуловиќ почина во нејзиниот стан на возраст од 66 години. Откако ја напуштила својата работа, таа го посветила својот живот на борбата против национализмот.
5. 3 месеци во австралиската пустина
Во 2001 година, Австралиецот Рики Меги се разбудил во пустината. Тој не знаел како стигнал таму. 10 дена, тој одел бос во случајна насока, дури и не се надевал дека ќе биде спасен. Конечно, тој нашол брана, каде што изградил мало засолниште со гранки од дрвјата. Човекот живеел таму 3 месеци, јадел пијавици, скакалци и сушени жаби. На крајот, Меги бил пронајдена и спасен од локалните фармери.
6. Овој алпинист ја отсекол раката за да преживее
Во април 2003 година, во националниот парк Кањонлендс, Јута, голема карпа паднала врз Арон Ралстон и му ја заробила десната рака. Арон поминал 4 дена со рака под карпата. Тој дури и го напишал датумот на кој сметал дека ќе почине. Тогаш тој одлучил да си ја пресече раката со нож, кој го имал во неговиот ранец. Потоа тој успеал да се симне од карпа висока 20 метри и бил спасен од туристи.
7. Детство меѓу мајмуните
Марина Чепмен била киднапирана на 4-годишна возраст. Таа се разбудила во колумбиската дождовна шума. Девојката била пронајдена од мајмуни кои ја пуштиле во нивниот клан. Таа научила од нив како да пронајде храна, како да се искачи на дрвјата и како да украде ориз и овошје од околните градови.
Неколку години подоцна, таа била пронајдена од семејство кое ја користело како роб. Марина успеала да избега, а една жена ја земала и ја одгледала како своја ќерка. Марина успеа да се прилагоди на животот во општеството. Таа се преселила во Англија и се омажила.
8. 76 дена во океан
Во 1982 година, во Атлантскиот Океан, бродот на Американецот Стивен Калахан потонал за време на невреме. Стивен успеал да се качи во чамец за спасување и имал комплет за прежувување. Тој користел харпун за лов на риби, се борел со бранови и дури преживеал напад од ајкула. 76 дена подоцна, чамецот се приближил до островот Мари-Галанте во Карипското Море. Стивен, кој изгубил многу тежина, бил забележан од локалните рибари.
9. Тело со 11 метални шипки
Автомобилот на Катрина Бургес се движел со брзина од 100 километри на час. Таа ја изгубила контролата над автомобилот и излетала од патот. Вратот, грбот и ребрата на Катрина биле скршени. Нејзините бели дробови биле пробиени, а карлицата била оштетена.
Лекарите ставиле метална прачка во левиот колк на девојчето. Таа била поврзано со коската со 4 титански шила. Наскоро имало уште 6 хоризонтални прачки во нејзиното тело за да го поддржат нејзиниот ‘рбетниот мозок, а има и уште еден титански завртка што го поврзува нејзиниот врат со грбот. Девојката ги поминала следните 5 месеци земајќи исклучително силни лекови против болки. Откако се опоравила, таа добила договор со агенција за модели.
10. 3 дена во полско WC
Колиџ Винсет, пензиониран 75-годишен маж од Вирџинија, имал куќа со полско WC. Еден ден кога бил внатре подот се скришил, затоа што дрвото било скапано, а старецот паднал внатре. Тој не можел да излезе од јамата затоа што едната нога му била ампутирана, а едната рака не му функционирала по мозочниот удар. Тој поминал 3 дена во јамата. Колиџ бил спасен од поштарот. Стариот ветеран речиси умрел затоа што морал да дише отровни гасови. Тој бил каснат од стаорци и исцрпен од тридневен недостаток на сон, храна и стрес.
