Во светот постои ретка генетска болест која предизвикува кожата да стане многу кревка, до тој степен што лесно ќе можат да се појават плускавци и рани од дејства како што се чешање или триење.
Оваа болест се нарекува junctional epidermolysis bullosa (JEB) и иако таа може да влијае на помалку од еден милион луѓе во светот, сепак е широко распространета состојба со потреба од третмани и може да донесе катастрофални промени во животот на една личност.
Како што е соопштено од страна на Science Alert, едно 7-годишно момче било примено на одделението за изгореници во Германија во 2015 година, поради фактот дека тој изгуби речиси 80 проценти од кожата на неговото тело поради JEB. Откако традиционалните лекови не успеале, родителите на момчето се свртеле кон реконструкција на кожата, дел по дел. Професорот Мишел Де Лука, истражувач на матични клетки од Универзитетот во Модена и Реџо Емилија во Италија. Заедно со неговиот тим, тој развил техника за лекување на JEB, која вклучува приложување на генетски модифицирани кожни графтови на дермисот – внатрешниот слој на ткивото што ја сочинува кожата, при што епидермисот е надворешен слој.
Сме биле сведоци на генетска модификација што се користела во минатото со различни резултати. Во 2016 година, генетското модифицирање било искористено за да се направат комарци, кои, се надеваме, ќе ги елиминираат другите комарци кои пренесуваат болести. Во ноември минатата година, генетски модифицирани E. coli бактерии беа создадени за лекување на нарушувања во метаболизмот кај доенчиња. Многу порано, научниците користеле генетски модификации за да ги потиснат бактериите Francisella tularensis, кои се користеле како био-оружје за да предизвикаат туларемија – болест што доаѓа со болки во зглобовите и болки во мускулите.
Де Лука и неговиот тим земале клетки на кожата од 20 проценти од телото на момчето кое допрва требало да биде зафатено од ЈЕБ и ги користеле за да растат протеински култури ослободени од болеста. Овие култури потоа биле користени за да се направат епидермални графтови, кои потоа биле користени за замена на изгубената кожа. Во истражувањето на тимот објавено во списанието Nature, тие откриле дека момчето било пуштено од болницата во февруари 2016 година. Овој ноември, 21 месец по третата и последната операција, повторно било испитувано и било откриено дека целосно се опоравило и сега има поздрава кожа.
„Неговиот епидермис во моментов е стабилен и робустен и не предизвикува плускавци, чешање, или потреба од масти или лекови“, изјавија од тимот. Сепак, тие продолжија да сугерираат дека нивниот третман не е потребен за пациенти кои страдаат од помали форми на булозна епидермолиза. 7-годишното момче е екстремен случај.
