Јужна Австралија ги објави плановите за изградба на најголемата соларна термоцентрала во еден кула во Порт Аугуста. Фабриката ќе ја користи технологијата развиена од SolarReserve за складирање на енергија во стопена сол, давајќи и можност да работи 24 часа на ден.
Кога ќе биде изградена хелиостатите ќе ја насочат соларната енергија кон централната кула, која користи технологија на стопена сол за складирање на таа енергија како топлина. Овие стопени соли ќе обезбедат 1.100 мегавати капацитет за складирање на енергија, што е еднакво на осум часа складирање со целосено полнење. Ова ќе му овозможи на објектот да генерира електрична енергија во текот на ноќта, како и во текот на денот кога има сончевата светлина.
Аурора е проектирана да има моќност од 150 мегавати и способност да генерира 495 гигават часови електрична енергија секоја година. Станицата ќе може да сервисира 90.000 домови и се очекува да може да се грижи за околу пет отсто од вкупните енергетски потреби на Јужна Австралија. Изградбата на фабриката за 650 милиони долари ќе започне следната година, со очекување дека Аурора ќе произведува електрична енергија до 2020 година.
Проектот за соларна енергија „Аурора“ нема да биде првиот голем проект за обновлива енергија за Јужна Австралија. Во јули, локалната самоуправа потпиша договор со Тесла за инсталирање на Powerpack систем кој ќе работи заедно со фармата за ветерници Хорнсдејл.
Илон Маск, извршниот директор на Тесла е многу јасен за потенцијалот на соларната енергија да им помогне на САД да ги задоволат сопствените енергетски потреби, тврдејќи дека целата нација може да се напојува со површина од 25.600 квадратни километри исполнета со соларни панели. И покрај овие тврдења и тврдењата на други експерти, сепак, претседателот на САД Доналд Трамп се чини решен да се обиде да ја заживее индустријата за јаглен.
Сега, соларните панели кои сме навикнати да ги гледаме во домовите се со значително намалена цена и изградбата на нова комерцијална соларна централа исто така е поевтина од изградба на фабрика која се напојува со фосилни горива. Експертите предвидуваат дека соларната енергија всушност ќе биде поевтина од јаглен во следните четири години.
