Во една од најпознатите сцени во филмот „Паркот Јура“, Ели Сатлер и Иан Малколм се качуваат во џип, додека ги брка страшниот диносаурус, Тираносаурус Рекс. Но дали навистина би можел еден Т-Рекс да трча со брзина на џип? Веројатно не, според најновите истражувања.
Големината и тежината на масивниот предатор значи дека Т. Рекс не би можел да се кандидира како брзо животно. Тој не само што не би можел да ја надмине брзината на автомобил туку, тој се достигнувал брзина од само 5 метри во секунда, или 18 километри на час, што значи дека дури и кога би бил пеш, човекот би можел да го наттрча диносаурусот. Според истражувачите секоја поголема брзина би ги скршила нозете на животното.
„Способноста за трчање на Т-Рекс и на други огромни диносауруси со децении е тема на дебата меѓу палеонтолозите. Но различни истражувања кои користат различни методологии создадоа многу широк спектар на проценки за максимална брзина и ние сметаме дека е време да се развие техника за да се подобрат овие претпоставки.“, изјавил д-р Вилијам Селерс, од Универзитетот во Манчестер, кој го води истражувањето.
Овој пат, д-р Селерс и неговиот тим комбинирале две одделни биомеханички техники, динамична анализа на повеќе димензии и анализа на притисок на скелетот, за попрецизно да моделираат како се движеле овие огромни диносауруси. Тие откриле дека ако Т-Рекс би трчал тогаш би ги скршил коските.
Ова истражување исто така разјаснува една од теориите за однесувањето на ѕверовите, од кои првата тврдела дека животното било активен предатор, а втората дека Т-Рекс бил само „чистач“. според овие истражувачи втората теорија е најверојатно точна. Иако не би можеле да знаеме дали во тоа време ги напаѓал поголемите животни, а во исто време го собирал онаа што ќе го пронајде.
