Соочени со фактот дека во Париз и околината 4500 пешаци годишно страдаат во сообраќајни несреќи, властите седнале и нашле креативно решение. Новите паметни билборди што ги поставиле крај пешачките премини реагираат само кога некој пешак ќе почне да ја поминува улицата на црвено. Кога тоа ќе се случи, билбордот испушта таков силен звук на кочење на автомобилски гуми и сообраќајка што од памет ќе го извади пешакот. Потоа следува пораката на билбордот што пешакот ќе ја види и ќе ја запамети.
