Амар Стовер, од Алабама, е роден со неврофиброматоза тип еден (NF1). Неговото лице е целосно деформирано поради неговата состојба, а исто така е слеп на едното око. Лекарите предупредуваат дека ќе го загуби видот и на другото око доколку не направи операција на туморите. Но неговата мајка, Кандис, вели дека ова не е единствениот проблем на нејзиниот син, тој мора секојдневно да се бори со реакциите на неговото генетско нарушување.
„Туморите се проширија низ неговото лице, со што дојде до деформации. Многу го исмејуваат, луѓето зјапаат во него и некои го викаат чудовиште. Децата не сакаат да се играат со него, велејќи му дека е грд. Навистина не сфаќам зошто луѓето не можат да имаат барем малку почит“, вели Кандис.
Кандис го охрабрува својот син дека е како и секое 8-годишно дете и дека не треба да се грижи за коментарите од злобните луѓе. Амар сака да спортува и да се игра како останатите деца. Најголемите проблеми Амар ги има за време на Ноќ на вештерките, кога луѓето прават неумесни шеги и го прашуваат „од каде ја купил маската.“
Кандис е самохрана мајка и таа самата се грижи за лекувањето на син и, кој е константно под хемотерапија и останати типови на лечење.
Докторите и кажале на Кандис дека треба да започне со учење на Брајова азбука, затоа што веројатноста нејзиниот син целосно да го изгуби видот е голема. Амар наскоро ќе оди на операција со надеж дека со отстранување на дел од туморите нема целосно да ослепи.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
