Смиреноста на еден човек и тоа како се исплатела – го направила милионер! Тој стрпливо чекал да купи лото ливче во еден супермаркет, кога друг играч на среќа му го зазел редот, излегувајќи пред него. Бидејќи не се брзал, човекот решил да не каже ништо и го оставил. Неколку дена подоцна дознал дека го купил добитното лото ливче со добивка од 1 милион долари.
„Не се брзав, па го пуштив пред мене и не му кажав ништо. Изгледа дека добрата карма се исплаќа – ако тоа не се случеше, немаше да добијам“, изјавил среќниот добитник.
Човекот, кој е од Тауранга, Нов Зеланд, вели дека ливчето го ставил на сигурно, но потоа заборавил на него. Еден ден решил да го провери пред да тргне на работа и се запрепастил кога видел дека ги има сите бројки.
„Умот ми се сврте и не можев да размислувам правилно, па така го тргнав ливчето настрана и заминав на работа како и обично“, вели тој. Кога се вратил дома, ѝ соопштил на својата жена и заедно решиле следниот ден да ја подигнат добивката. Тие велат дека се „апсолутно возбудени“ од добивката и дека парите ќе им помогнат да си купат куќа.
