Тешко дека ќе се роди пријателство во една студентска соба овој семестар, откако една од цимерките испратила агресивна листа со барања кон нејзините цимерки пред воопшто да ги запознае. Оваа порака, пратена од една бруцошка на Универзитетот на Лос Анџелес, била споделена на Твитер и бил виден од илјадници. Една од цимерките на Ешли, 17-годишната Вини Чен, била во целосен шок од имејлот кој го добила од својата цимерка.
Имејлот содржел листа со барања кои главно се однесуваат на тоа каде ќе биде нејзиниот кревет и шкаф во заедничката соба. Во нејзината тирада стои: „Добро, значи не сум сигурна зошто ниедна од вас не ми одговора на имејлите, но и баш ми е гајле, само да го знаете ова и разберете дека нема да се задоволам со ништо помалку од тоа што ќе ви кажам дека ќе го добијам кога ќе пристигнам во домот.
Го сакам горниот кревет од двокатните кревети. НЕ ГО САКАМ креветот кој има биро под него, затоа не обидувајте се да ми го сместите тоа. Исто така, земам еден од белите шкафови. Би требало да има два бели шкафа, и јас земам еден од нив… Го земам бирото крај прозорецот. И не планирам да се расправам или било какви други глупости затоа што една од вас двете нарочно го игнорира овој имејл.“
Потоа продолжува да им држи лекција дека е невоспитано да се игнорираат имејли. Цимерка за пример, зар не?
