Тоа би требало да е најсреќниот ден во животот на младата невеста. Но, среќата на Мишел Хауард бргу се претворила во тага кога нејзиниот татко, детективот Тим Бјукенен претрпел фатален срцев удар за време на свадбениот танц со неа. 54-годишниот Бјукенен, неговата сопруга Џени и нивните други деца на 3 септември допатувале од САД во Сан Хозе, Костарика, за да присуствуваат на свадбата на нивната ќерка Мишел и зетот Луис Диего Гранера.
Џени Бјукенен, која е свадбен фотограф, ја споделила фотографијата на која таа се бакнува со нејзиниот сопруг само неколку часа пред тој да почине.
„Никогаш не знаете кога последниот пат навистина е последен пат“, напишала таа во коментар на сликата следниот ден. „Од каде да знаев дека само по неколку часа ќе го загубам. Тим влезе во мојот живот кога бев целосно скршена и ми помогна да се изградам во силна личност. Во текот на заедничките години изгледавме четири прекрасни деца, се грижевме за моите помали браќа кога најмногу им требавме и дури ја имавме честа да добиеме прекрасно внуче. Тој беше најпрекрасната душа која ја познавав и нема да бидам истата без него.“
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
