Едно дете влегува во берберница. Берберот му шепнал на муштеријата:
– Ова е најглупавото дете на светот. Само гледај и ќе ти докажам.
Берберот зел во едната рака банкнота од 100 денари, а во другата – две монети од по 10 денари. Потоа го повикал момчето и го прашал:
– Што ќе избереш, синко?
Момчето ги избрало монетите и исчезнало.
– Што ти реков? – Рекол берберот.
– Никогаш нема да се научи!
Подоцна муштеријата си тргнал накај дома и по пат го сретнал истото дете како јаде сладолед.
– Момче, можам ли да те прашам нешто? Зошто ги земаш ситните монети, а не банкнотата од 100 денари?
Момчето одговорило:
– Ако ги земам 100-те денари играта ќе заврши, а вака секој ден јадам сладоледи.
