Прочитајте какви сѐ невообичаени закуски сакаат луѓето низ светот. Некои ќе ви звучат интересно и би сакале да ги пробате, други… па и не баш толку.
Салмиаки (Данска, Финска, Холандија)
Во основа се работи за солен производ од брашно со екстракт од т.н. слатко дрво (Glycyrrhiza glabra). Ефектот е како од сос од соја да направите бонбони. Но затоа се ужасно популарни во Данска, Финска и Холандија.
Канико (Јапонија)
Од земјата која на светот му подари милион различни видови на Kit Kat ни доаѓа Канико – грицки од ракчиња. Ако ги сакате популарните „рипчиња“, зошто да не отидете чекор потаму и да пробате вистински карамелизирани и засолени морски животни?
Ескамолес (Мексико)
Оваа закуска популарна околу Мексико Сити можеби ќе ве излаже дека се работи за некаков вид на грав или нешто слично. Можеби ќе ве заведе со вкусот на путер и кога веќе половина сте ја изеле порцијата, некој ќе ве извести дека се прави од ларви од мравки, по што се исправате пред дилемата: дали да го дојадам ова, бидејќи е вкусно, или да си заминам и да се преправам дека никогаш не се случило.
Хакари (Исланд)
Овие грицки направени од ферментирано месо од ајкула е всушност едно од националните јадења на Исланд. Со оглед на отровната природа на месото од ајкула, грутките месо се оставаат да се расипат и потоа се конзервираат во текот на 4-5 месеци, со што се отстрануваат токсините.
Бундеџи (Кореја)
Корејците воопшто не се ни мачат да го прикријат фактот дека се работи за кукли на свилени буби. Подготвени на пареа и зачинети, се служат по штандовите и баровите насекаде низ Кореја. Дури и самото име буквално значи кукла.
Фалафел Бисли (Израел)
Популарните израелски пченични грицки ги има со најразлични вкусови и форми и се прават од пченично брашно.
Морско прасе (Перу)
Оние коишто имаат морско прасе за милениче можеби тешко ќе го проголтаат овој перуански специјалитет.
Мармит (Англија)
Мармит се крцкави и солени грицки од пивски квасец. Вкусот им е толку силен што слоганот на овој бренд гласи „Ги сакаш или ги мразиш“.
Касу Марцу (Италија)
Можеби ќе си помислите дека се работи за некаква погача, но всушност ова е едно од најконтроверзните сирења во светот. Се подготвува така што намерно се дозволува во него да се изведат ларви од муви, што на сирењето му дава особен вкус и текстура. Додека го јадете, се случува некоја од ларвите да скокне, што е сосема очекувано, бидејќи никој не сака да биде изеден жив, нели?
Жукси Гао (Тајван)
Овие популарни колачиња се прават од ориз и крв од свиња. Навистина неочекувана комбинација.
Куркуре палави домати (Индија)
Можеби се должи на слаткиот силен вкус на овие грицки, или пак на нападната рекламна кампања со стар перверзен човек. Како и да е, овие грицки си го пробиле својот пат во домот и срцата на индискиот народ.
Тавук Ѓогсу
Тавук Ѓогсу е пудинг од млеко и пилешко, омилен десерт на Турците уште од времето на Османлиското царство. Да, добро прочитавте – десерт, од Турција, кој се приготвува од млеко и пилешко.
Чипс со вкус на виски и хагис (Шкотска)
Чипсот го има во секакви вкусови, но овој чипс во себе го содржи сето она што се смета за шкотски вкус.
Сендвич со сирова харинга (Холандија)
За љубителите на суши ова ќе биде интересен предизвик – сендвич со сирова харинга со краставички и кроммид. Се работи за еден од омилените оброци во Холандија, кој се смета за холандско национално јадење.
Сало (Украина)
Просто се работи за засолена свинска сланина, која несомнено е многу вкусна.
Чипс со вкус на јагнешко и нане (Нов Зеланд)
Од сите егзотични вкусови (пилешко и вафли, кафе итн.) Ета постигнале најголем успех со чипсот кој има вкус на печено јагнешко, а некои сметаат дека и навистина може да биде замена за ручек или вечера.
Пржена тарантула (Камбоџа)
Пржењето ги прави нозете на тарантулата тврди, надворешноста на телото крцкаво, а месото во внатрешноста меко и сочно, во кое се содржат органи, веројатно јајца и…измет. Вистински деликатес!
Балут (Филипини)
Веројатно погодувате, ова е неизведено пајче, кое се вари во луспа од јајце (типично во сос од чили, лук, оцет и сол).
Сладолед со вкус на риба и помфрит (Австралија)
ОК, во случајов воопшто не се работи за популарна закуска и всушност овој, да го наречеме така, специјалитет, поминал многу лошо кај критиката. Интересното кај овој сладолед е што воопшто нема вкус на риба и помфрит, и не е баш сигурно каков вкус има, освен дека вкусот му е ужасен, според впечатоците на тие што го пробале.
Палачинка со кобасица и чоколадни мрвки на стапче (САД)
Во САД оваа интересна комбинација уште се нарекува и корн-дог, и се сервира со кечап или сенф.
Тејто чоколадо со вкус на кромид и сирење (Ирска)
Чипс со вкус на сирење и кромид може да биде и вкусна закуска, но чоколадо?
Столетни јајца (Кина)
Столетните јајца се прават така што со јајцата се прави сѐ она што не би требало да го правите со храна. Ова значи да ги чувате во луспи од ориз, глина, вар, пепел и сол со недели, а понекогаш и месеци. Но кога ќе ги извадите од таму, можат веднаш да се јадат.
Чипс со вкус на кавијар (Русија)
Нема ништо пософистицирано и луксузно од кавијар, а на сосема спротивната страна стои простиот компир. А кога ќе ги искомбинирате – добивате нешто што не е по сечиј вкус.
Муктук (Гренланд)
Ништо не е поголем предизвик од коцки смразно сало и кожа од кит. Барем за ескимскиот народ Инуити.
Кобасица од риба и сирење (Јапонија)
И пак се враќаме во Јапонија, кадешто чудното нема граници. Ако ништо друго, секој знае риба и сирење не се мешаат. Но во Јапонија многу не се грижат за ова и спакувале бакалар и сирење во кобасица.
