Самовила што оди на штули, егзотични танчерки во огледални костими, здравици со популарните „шотови“ и многу разиграни посетители беа главната декорација на забавата во организација на Jagermeister која се одржа во петокот во скопскиот клуб „Станица 26“. Лудо, незаборавно и неверојатно забавно, беа едногласно оценките на сите присутни. Девојки и момчиња од цела Македонија до доцна во ноќта се забавуваа и танцуваа осветлени од стотици лед-светилки. Освен разиграните танчерки и пијалокот Jagermeister кој се служеше во епрувети, атмосферата дополнително ја вжештија неколкуте домашни диџеи кои ангажирано цела ноќ го следеа ритамот на публиката.
