Авионот на сончева енергија успешно го заврши рекордниот петдневен лет без прекин преку Тихиот океан. Солар Импулс е првото летало коешто од Јапонија до Хаваи леташе без капка гориво во него. Неговиот швајцарски пилот Андре Боршберг се обидува да прелета околу светот без никакво гориво, освен сончевата енергија. И згора на сѐ, во пилотската кабина во која нема ни загревање ни регулирање на воздушниот притисок, тој може да преспие само дваесет минути. Неговиот копилот и земјак Бетранд Пикард ќе го превземе управувањето со авионот на релацијата од Хонолулу до Феникс, Аризона, САД.
