Добредојдовте во Шани Шингнапур, индиското село во кое нема врати. Има околу 300 градби во него, вклучувајќи училишта и продавници, и на ниедна од нив нема врати ниту брави или катанци. Целото село е заштитено од Бог, и тоа навистина функционира во ова местенце во кое не се случуваат никакви злосторства.
Село без врати
Никој во ова село нема врати во својот дом, и веројатно никогаш нема ни да има. Поставувањето врати целосно оди во спротивност со религискиот систем благодарение на кој селото функционира. Не ви требаат врати кога имате вера.
Шани
Шани, Богот на Сатурн, го штити селото. Пред многу години, на локалниот брег допловил камен. Кога го проболе каменот, тој прокрварил. Ова е храм посветен на Шани.
Големиот идол
Богот Шани се појавил ноќе на сон, објаснувајќи дека каменот е идол. Идолот е толку моќен што не му е потребно никакво засолниште. Во тоа време Шани ги уверил селаните дека никогаш повеќе нема да им требаат врати. Тој секогаш ќе ги штити од опасност. Каменот е сѐ уште тука, опкружен со светилиште, и сѐ уште се наоѓа на отворено.
Отворено за секого
Повеќето влезови се само рамки, но некои јавни тоалети сепак имаат завеси преку нив, што е сосема разбирливо.
Крај секој влез има дрвени палети, на кои можете да тропнете пред да влезете. Некои едноставно ќе викнат, и домаќинот ќе излезе. Патем, свастиката не е знак дека го обожуваат Хитлер.
Без страв
Никој ниту ги крие, ниту ги заклучува своите вредни работи. Нема потреба од такво нешто. Луѓето си ги оставаат нивните сопствености каде и да било и не кријат ништо од никого.
Без криминалВо селото има околу 5000 жители и во текот на 150 години не се случило апсолутно никакво злосторство.
Табу
Во ова село не смее да се краде. Или барем така раскажува легендата, според која ако украдете, никогаш нема да можете да го напуштите селото. Не смеете да направите никаков грев, бидејќи тоа значи дека ќе претрпите Саде Сати – седум години несреќа.
Посетители
Остатокот од светот почнал да дознава за ова село во текот на деведесеттите. Денес десетици илјади секојдневно го посетуваат селото. Некои од нив сепак успеале да донесат криминал во ова прекрасно место.
Расипаниот свет
Првото злосторство се случило во 2010 година, кога биле украдени вредни работи од автомобилот на еден турист. Во 2011 бил ограбен служител во локалниот храм и оттогаш се случиле неколку други злосторства.
Отклучена банка
Обединетата комерцијална банка својот прв отклучен огранок го отворила во 2011 во ова село. Тоа било прекршување на индискиот закон со кој се регулира безбедноста на банките. Ете, дури и банките немаат врати ни катанци, секогаш стојат отворени.
Селото
Шани Шингнапур се наоѓа во државата Махараштра, една од индиските држави со најголема стапка на криминал. Државата е трета по ред во поглед на криминал против жените и има една од највисоките стапки на убиства. Но, во селото заштитено од Шани, криминалот до неодамна практично беше еднаков на нула, додека насилството е сосема непознато.
