Прекумерната поспаност е опасна не само за вашето здравје туку и за животот. Според една студија, 1 од 25 возрасни заспиваат зад воланот секој месец.
И како што можете да си замислите, ова обично не завршува добро. Затоа, важно е да се утврдат причините поради кои се чувствувате постојано изморено, за да можете да спречите поголема катастрофа.
1. Анемија
Анемија значи недостаток на железо во телото. Тоа доведува до мало производство на здрави црвени крвни клетки. Затоа, ткивата се лишени од кислород и останувате уморни и без енергија.
Други симптоми:
- тешки мускули
- краток здив
- бледа, жолтеникава кожа
2. Дијабетес
Дијабетесот се јавува поради фактот што телото го користи инсулинот на погрешен начин или го произведува во недоволни количини. Поради ова, нивото на крвниот шеќер драматично се зголемува. Тежок замор е еден од знаците на дијабетес.
Други симптоми:
- зголемување на глад и жед
- сува кожа
- губење на тежина
3. Целијачна болест
Оваа болест е предизвикана од абнормалната реакција на телото на глутен. Глутен е протеин што се наоѓа во житариците. Ако не се чувствувате добро откако ќе јадете леб или колачиња, тогаш можеби имате целијачна болест.
Други симптоми:
- надуеност
- дијареа
- губење на тежина
4. Примарен билијарен холангитис
Ова е болест каде жолчните канали на црниот дроб се уништуваат. Кога има оштетувања на каналите, овие нездрави елементи се акумулираат во црниот дроб. Замор е еден од знаците за развој на оваа болест на црниот дроб.
Други симптоми:
- суви очи
- чешање
5. Хипотироидизам
Проблеми со тироидната жлезда значат дека постои мало производство на тироидните хормони. Овие хормони се одговорни за енергијата и функцијата на телото. Кога има дефект на тироидната жлезда, процесите во организмот се забавуваат. Како резултат на тоа, може да се чувствувате уморни.
Други симптоми:
- зголемување на телесната тежина
- мускулна слабост
- депресија
6. Алцхајмерова болест
Неодамна, истражувачите откриле дека поспаност може да биде симптом на Алцхајмеровата болест. Тие воспоставиле врска помеѓу дневната поспаност и акумулацијата на бета-амилоид во мозокот. Таквите акумулации се забележани со развојот на Алцхајмерова болест. Ова значи дека чувството на умор во текот на денот може да биде ран знак за оваа болест.
Други симптоми:
- апатија
- краткорочна загуба на меморија
- раздразливост
7. Синдром на немирни нозе
Оваа состојба на нервниот систем предизвикува да ги поместитувате нозете за време на спиењето. Вашите нозе спонтано го нарушуваат сонот и го нарушуваат неговиот квалитет. Како резултат на тоа, може да се чувствувате уморни.
Други симптоми:
- трнење во нозете и рацете
- болка во нозете и рацете
8. Ноќна апнеа
Апнеа е состојба кога дишните патишта се блокирани за време на спиењето и престанувате да дишете. Овие паузи може да траат до 20 секунди и да се појават неколку стотици пати во текот на ноќта. Ова води кон будење следено со повторно заспивање.
Можете дури да заборавите дека сте се разбудиле. Но, како резултат на таквите чести будења, квалитетот на спиењето се влошува и може да се чувствувате уморни во текот на денот.
Други симптоми:
- гласно ‘рчење
- бучно дишење
9. Синдром на хроничен замор
Ако чувствувате поспаност 3-4 месеци, тогаш може да имате синдром на хроничен замор. Оваа исцрпеност се зголемува по напор. Оваа состојба може да се развие откако сте имале вирус или трауматско искуство.
Други симптоми:
- болки во зглобовите
- мускулна болка
- главоболки и слаба концентрација
Ако почувствувате некој од овие симптоми, не брзајте кон заклучоци и не правете сами дијагноза. Консултирајте се со вашиот лекар и поминете ги потребните испитувања.
