Пред да заминеме на одмор, внимателно ја планираме нашата маршрута и учиме колку што е можно повеќе за местото кое што ќе го посетиме. Луѓето одан на одмор од различни причини, некои за да се одморат, а некои да се соочат со стравовите. Сепак, не секој има време или пари да го посети секое место на кое што посакува да оди. Но, ако најдете време да ја прочитате оваа статија, ќе заминете на мало, но многу интересно патување. Оваа листа на места може да направи да се чувствувате како да сте лик во хорор филм.
9. Капелата на коските
Оваа капела се наоѓа во Евора, Португалија и е еден од најпознатите споменици на градот. Капелата го добива своето име од внатрешните ѕидови кои се покриени и украсени со човечки черепи и коски.
Капелата на коските била изградена во 16 век од францискански монах кој сакал да им каже на своите браќа дека животот е краток. Затоа ѕидовите се прекриени со коски. На влезот на параклисот, постои знак: Nós ossos que aqui estamos pelos vossos esperamos. Ова може да се преведе како „Ние коските кои сме тука вас ве чекаме.“
8. Хоја шума
Хоја шумата се наоѓа во Трансилванија и е позната по разни приказни за паранормални настани. Според легендата, шумата е именувана по пастир кој еднаш влегол во шумата со животните и исчезнал со нив во густа магла. Не се пронајдени знаци на напад.
Многу истражувачи тврдат дека доживеале страв, напад на паника и слушнале различни гласови додека биле во шумата – сите од необјасниви причини. Некои од нив се убедени дека виделе НЛО таму; други се сигурни дека се сретнале со духови. Тешко е да се поверува во сето ова, иако има фотографии кои наводно ги овековечиле овие настани. Но, дали постои подобро место од Трансилванија за ваквите работи да се случат?
7. Ридот на крстовите
Ридот на крстовите е света локација во Литванија и претставува рид со огромен број крстови на него. Точниот број на крстови е непознат, но, според некои пресметки во 90-тите, имало околу 50.000. Локацијата нема никаква врска со гробишта, но се појавуваат се повеќе и повеќе крстови, бидејќи луѓето веруваат дека ако остават крст на ридот, ќе бидат среќни.
6. El Caminito del Rey
Во превод значи „Малата патека на кралот“. Тоа е бетонска конструкција со челични шини во карпата. Патеката е лоцирана помеѓу водопадите Чоро и Гаитанејо во Малага, Шпанија и се наоѓа многу високо над земјата. Таа долга 3 километри, а нејзината ширина изнесува скоро еден метар.
Таа била изградена во 1905 година како помошна патека за работниците кои ја граделе браната. Патот се користел за да се стигне од едната страна на кањонот до другата. Името на „кралот“ и било дадено откако Алфонсо XIII, кралот на Шпанија, поминал по неа на свеченото отворање.
5. Висечки ковчези
Сагада е многу привлечна за туристите, бидејќи оваа област некогаш била дел од океанот. Сега има многу пештери што многу странци на Филипините сакаат да ги посетат. Во прилог на пештерите, постојат многу карпи во Сагада, а на еден од нив може да видите висечки ковчези. Тоа не е многу пријатна глетка.
Погребот во висечките ковчези е многу стара традиција, а ковчезите биле издлабени од дрво. Покојникот бил ставан внатре, а ковчегот го прицврстувале на многу високи карпи (до 115 метри) или во пештери. Според легендата, планините биле скалила меѓу Земјата и рајот.
4. Трката со бикови (шпанска национална традиција)
Encierro е традиција каде што треба да избегате од бикови кои биле пуштени на слобода. Ова е се уште популарна форма на забава во многу села во Шпанија. Најпопуларниот Encierro се одржува во Памплона за време на фестивалот Сан Фермин. Трката е на 900 метри и секој е добредојден да учествува – дури и туристи.
3. Капуцинските катакомби
Во Палермо, Италија, има катакомби каде биле погребани повеќе од 8.000 луѓе. Ова место е едно од најпознатите места каде што се изложени мумии.
Катакомбите биле изградени кон крајот на 16 век, кога бројот на манастирите на Капуцини се зголемил и им биле потребни поголеми гробници. Во 18-19-тиот век, ова место станало луксузно место за погребување на свештенството и буржоаските семејства. Катакомбите официјално биле затворени во 1882 година. Оттогаш никој не е погребан таму.
2. Потонатите бродови во Соломони
Ова место е непозната територија за бродови, бидејќи има многу подводни корални формации. Во 2000 година, бродот за крстарење „Светски откривач“ од Либерија заглавил во близина на Соломоновите Острови во Тихиот Океан. Ниту еден од патниците не бил повреден, но немало начин да се спаси самиот брод, па станал дом за риби и други морски суштества.
1. Автомобилски гробишта
Ова место изгледа како промоција на нов филм за зомби апокалипса, но, всушност, тоа е вистинско место во Белгија. Според урбаната легенда, по Втората светска војна, американските војници заминале и ги оставиле своите автомобили во шумата. Многу години подоцна, природата го направила своето.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
