Секој студент знае колку може да биде стресно учењето. Без разлика дали се работи за испит или за презентација не е лесно да извлечете потребните информации од Вашиот мозок. Затоа професорите и студентите даваат предлози како учењето да стане лесно, но тие не функционираат за сите. Овие 6 трикови се едни од најефикасните, кои што ги посочиле студентите.
1. Намалете го материјалот
Ако мислите дека намалувањето на материјалот звучи малку глупаво, тогаш треба да знаете дека овој начин е поддржан од повеќе научни истражувања. Едно истражување од психолози од Санта Барбара покажа дека групирање на поврзани информации го олеснува сеќавањето на нив отколку ако истите информации се зачувани во мозокот како единечни, посебни точки. На пример доколку на една листа ги напишете важните датуми за Втората Светска војна, полесно ќе ги научите отколку поединечно да ги читате во книгата.
2. Учете пред да си легнете
Доколку ги отворите книгите во зората Вашиот мозок останува отворен за мешање на информации до крајот на денот, со што ќе се намали продуктивноста на Вашето учење. Затоа земете ги книгите пред да си легнете. Истражување покажало дека неповрзани зборови подобро ќе се научат доколку ги учите пред спиење.
3. Качување на „Кривата на заборавање“
Кривата на заборавање на Ebbinghaus е многу реална работа за која многу студенти можеби никогаш не слушнале. Без оглед на тоа дали некогаш сте го кажале зборот Ebbinghaus во вашиот живот, дефинитивно сте ги доживеале ефектите од овој чест феномен. Заборавена крива докажува дека информациите се подобро зачувани во нашата меморија ако често ги разгледуваме тие информации. Затоа кога наредниот пат професорот ќе Ви каже да фаќате белешки, послушајте го.
4. Нова перспектива на здравјето на мозокот
Најчесто откако ќе се изморат од учење студентите чувствуваат главоболка и мачнина и поради тоа често земаат лекови како што се аналгинот и други слични лекови. Ваквите лекови на ниту еден начин не му помагаат на мозокот да се опушти и подобро да размислува. Според најновите истражувања корисни лекови за мозокот се ноотропиците. Ноотропиците се повеќе природни „паметни лекови“ , соединенија кои ја подобруваат меморијата и го интензивираат фокусот. Овие лекови имаат повеќе намени.
5. Движете го телото и ќе го движите Вашиот ум
Умерени кардио вежби од 20 минути се навистина одлични за студентите, а и за останатите. Предностите на вежбањето вклучуваат намален стрес, подобар проток на крв, па дури и зголемена меморија. Не Ви е потребна теретана, доволно е и малку трчање и неколку едноставни вежби.
6. Направете пауза!
Кога ќе почнат испитите многу студенти мислат дека е одлично доколку учат три или четири часа по ред. Но ова не е точно. Доколку морате да учите повеќе време, правете неколку паузи, паузите ќе Ви помогнат подобро да се фокусирате. Ако приметите дека зјапате во една реченица додека размислувате што имате за ручек, тогаш значи дека е време за пауза.
