Некои од филмовите од гангстерскиот жанр денес се сметаат за делови на поп културата и се гледаат како филмски ремек-дела. Поради големината и влијанието на источно-европскиот криминален свет, многу истакнати, наградуван гангстерски филмови потекнуваат од земјите од регионот. Некои од нив ја раскажуваат приказната со комични елементи, додека други имаат пореален, документарен пристап. Сепак, сите тие имаат увид во еден опасен, а сепак примамлив живот надвор од законот, што ја поттикнува имагинацијата и го разбудува интересот на гледачите.
Брат(1997), Алексеј Балабанов
Култен филм од пост-советска Русија, Брат стана еден од најуспешните филмови во руската кинематографија само неколку месеци по првото прикажување. Филмот бил прикажан на филмскиот фестивал во Кан во 1997 година, а на крајот добил и долго очекувано продолжение во 2000 година. Овој филм следи по индоктринацијата на младиот поранешен војник Данила во криминалното милје на Св. Петербург, и неговата навигација низ оваа опасна, но возбудлива околина. Во филмот се учи за многу животни приказни кои се исто толку интересни како приказната за главниот лик.
Ране(1998), Срѓан Драгојевиќ
Врз основа на вистинска приказна, овој филм е славно посветен на генерациите родени по Тито. Дејството се случува помеѓу 1991 и 1996 година, за време на граѓанската војна во Југославија. Само 14 години на почетокот на приказната, двајца главни ликови Пинки и Шваба растат во дестабилизирано општество погодено од сиромаштија и санкции. Двете момчиња посветено пратат емисија во која гостуваат познати криминалци и имаат желба да се појават на истата. Конечно наоѓајќи идоли во белградските мафијаши и криминалци, момчињата почнуваат да ги презираат родителите од својата работничка класа, особено Пинки чиј татко е пензиониран полицаец. Во остар контраст со животите на нивните семејства и остатокот од нацијата, Пинки и Швабо стануваат опседнати со својот сосед Куре кој вози фантастичен автомобил, има убава девојка и месечно граби патувања во Германија. На крајот тие стануваат негови асистенти и ученици, влегувајќи во светот на криминалот, дрогата и смртта за која тие фантазираат.
Антикилер(2002), Егор Кончаловски
Направен како адаптација на рускиот роман Антикилер, напишан од поранешен полицаец Данил Корецки, овој филм стана легендарн меѓу фановите на модерниот криминален жанр. Дејството се врти околу поранешниот детектив, Мајор Королев, кој тргнува во кампањата за одмазда против неговите корумпирани колеги чие предавство го испраќа во затвор на многу години. По патеката на предавниците, Королев завршува длабоко во руското криминално подземје, каде што бара шефови на банди и корумпирани полицајци за да ја добие правдата за себе.
Крадци по закон(2010), Александар Генетелев
Во овој филм во вид на документарец можат да се видат нецензурирани интервјуа со некои од најмоќните босови на мафијата во Русија, т.н. крадци по закон. Александар Генетелев разговарал со најмоќниот криминалец во Владивосток Виталиј Дјомочка, Алимжан Тохтахунов, кој е баран од Интерпол и легендарниот мафијаш Леонид Билунов Макинтош, за кој се верува дека е еден од првите руски гангстери кој се проширил на западот. Во филмот, овие реални гангстери ги раскажуваат своите приказни, од проблематичните рани години поминати во затвори околу Советскиот Сојуз, до потеклото и развојот на организираниот криминал во Русија.
Црна мачка, бел мачор(1998), Емир Костурица
Гледајќи го светот на криминалот од комична, малку смешна перспектива, Црна мачка, бел мачор, можеби не е првиот филм кој ви доаѓа на памет кога се зборува за гангстерскиот жанр, но сепак вклучува интересна приказна за ситниот измамник Матко и големите локални мафијаши како што се Дадан Карамболо и Грга Питиќ во непогрешливата балканска комедија. Овој филм е огромен успех, како кај публиката, така и кај критичарите. Кажувајќи ја приказната за криминалот, магијата, дрогата и љубовта сите сместени во едно мало ромско село по должината на брегот на Дунав, Кустурица нè запознава со бројни бизарни, а сепак симпатични ликови кои главно живеат надвор од законот.
Сестри(2001), Сергеј Бодров
Некои обожаватели сметаат дека се третиот дел од филмот Брат, Сестри е режисерско деби и единствениот филм направен од главниот актер од филмовите Брат и Брат 2, Сергеј Бодров Јуниор, кој почина една година подоцна во несреќа. Приказната се врти околу две полу сестри Дина и Света, кои живеат потполно различни животи. Додека Света живее едноставен живот со својата баба, нејзината сестра Дина ужива далеку поизразен животен стил со нејзината мајка и татко Алик, кој е гангстер. Како што се развива приказната, Алик добива закани од своите стари колеги кои бараат од него пари. Откако одбил да плати, неговите две ќерки се киднапирани. Сепак, кога ќе се ослободат и продолжуваат да бегаат низ дивината на Русија, Алик се обидува да се одмазди на оние што им наштетиле.
