Кога некој ќе спомне лисица, вообичаено се будат две асоцијации – итроштина и слика на црвена лисица. Но лисицата е разновидно и многу добро прилагодливо животно и ја има насекаде низ светот. На следните фотографии можете да видите како пет различни видови на лисица во нивната природна средина.
Пустинска лисица (Фенек)
Пустинските лисици се среќаваат во северна Африка и Сахара. Се одликуваат со нивните големи уши преку кои се ослободуваат од вишокот топлина. Се разбира, ушите им овозможуваат и неверојатно добар слух, можејќи да го слушнат својот плен како се двиши под песокот. Нивното крзно со крем боја ја одбива светлината дење, а ги топли ноќе, а исто така помага полесно да се камуфлираат во средината во која живеат.
Црвена лисица
Црвената лисица е најголемиот и најраспространетиот вид на лисица во светот. Тие се вешти ловци и се познати по својата способност да прескокнат ограда висока и до 2m.
Поларна лисица
Поларната лисица е мал вид на лисица која ги населува студените арктички области на северната хемисфера. Своето крзно го менува во зависност од годишното доба.
Сива лисица
Сивата лисица живее низ Северна Америка и е позната по тоа што е единственото животно во семејството кучиња (Canidae) способно да се качува по дрвја.
Сребрена лисица
Сребрената лисица е всушност ист вид како и црвената лисица, просто се работи за поинаква обоеност на крзното. Порано крзното на оваа лисица било едно од најценетите и поради тоа и денес се одгледува специјално само за таа намена.
