Ова е неверојатен момент кога група соседи се здружуваат за да го спасат животот на едно петгодишно момче кое паѓа од прозорецот на стан од седмиот кат во Минск, Белорусија. Детето било оставено дома само од страна на неговата мајка како казна, и се качило на прозорецот, чекајќи ја да се врати. Детето случајно се лизнало и за среќа паднало во ќебето кое го држеле соседите.
Локалниот чувар, Михаил го видел момчето како виси на прозорецот и ги повикал останатите соседи. Групата соседи навреме излегле со ќебето, кое иако се скинало му го ублажило падот и му го спасило животот. Момчето било однесено од болница, нема посериозни повреди и се очекува наскоро да се опорави.
Еден од соседите, кој наводно работи како доктор во локалната болница, му дал прва помош на момчето. Тој изјавил: „Неговата мајка притрча со две деца додека тој сè уште беше во моите раце. Таа не знаеше што да каже или на кој, таа беше шокирана, мора да го разберете тоа. Не треба да ја осудуваме. Кога пристигна, момчето ѝ рече: ‘Мамо, само сакав да одам на прошетка.’“
Очевидци изјавиле дека пред да падне момчето, ја повикувало својата мајка, барало да му прости и ветувало дека ќе се однесува добро во иднина. Полицијата започнала истрага за инцидентот.
Хероите на нашето време не се политичарите и богаташите, туку обичните луѓе со своите мали, но големи подвизи. На каналот Победници, хероите на нашето време се на прво место.
