Можеби не постои ниту една научна теорија во светот, за која мислењата на сите луѓе би биле едногласни. Дури и теоријата за придобивките од решавањето на крстозбори, загатки и ребуси некои научници ја сметаат само за добар маркетинг трик. Како одговор, нивните противници цитираат сериозни аргументи во корист на интелектуалниот одмор.
Во меѓувреме, додека научниците се расправаат и дебатираат во потрага по вистината, ние ви подготвивме 4 загатки за Маша, која од расеано мало девојче станала талентиран решавач на загатки. Решенијата се на втората страна.
1. Бабата и расеаната внука
Маша отишла во аптеката за да купи лекови за нејзината баба. Аптекарот ја погледнал рецептата и ѝ дал 4 идентични апчиња: 2 за висок крвен притисок и 2 за алергии. Тој исто така ја предупредил дека бабата треба да зема по 1 од секое апче неколку часа пред спиење. Девојката отсутно ги фрлила во торбата. Пристигнувајќи дома, Маша ја сфатила својата грешка: пред неа имало 4 сосема идентични таблети.
Вечерта бабата требала да земе 1 таблета за висок крвен притисок и 1 за алергии. Како таа да ги избере вистинските?
2. Бабата и кокошките
На бабата и станало подобро и таа се преселила на село. Таму купила 3 кокошки кои носеле 3 јајца за 3 дена. Кога дознала за ова Маша одлучила дека продажба на јајца е добар бизнис и ѝ купила на својата баба уште 12 такви кокошки.
Колку јајца ќе собере бабата за 15 дена?
3. Како да се стави последната монета на маса?
Маша и нејзиниот колега биле кандидати за унапредување. Шефот ги собрал и ги поканил да играат една игра, а победникот да го добие посакуваното работно место. Постои тркалезна маса и многу монети. Маша и нејзиниот ривал треба да стават по една монета на масата. Не може да се стави една монета врз друга, не може монетата да излегува од масата и не може да се стави на работ. Оној кој ќе ја стави последната монета ќе победи, а со тоа и на маса да нема повеќе празно место.
Која тактика ќе и помогне на Маша да го добие посакуваното работно место?
4. Чудна случка во пустината
Маша работела неколку години во фирмата и одлучила да замине и да патува по светот. Еднаш поминувајќи низ пустина во Африка пронашла чудни работи. Најпрвин забележала неколку кеси со песок, малку подалеку имало секакви видови на храна, а понатаму повеќе расфрлани чевли со различни големини. На крајот пронашла мртво тело на бос човек кој во раката држел чкорче.
Помогнете ѝ на девојката да открие што се случило тука и кој го убил човекот.
Одговори
1. Единствениот начин да се реши проблемот е да ги поделите сите апчиња на половина и да земете една половина од секое апче. Тогаш бабата дефинитивно ќе го испие вистинскиот лек.
2. Ако 3 јајца се земаат од 3 кокошки за 3 дена, тогаш 1 кокошка носи 1 јајце на секои 3 дена. Значи, за 15 дена ќе снесе 5 јајца. Како резултат на тоа, 15 кокошки за 15 дена ќе снесат 75 јајца.
3. Маша ја става монетата токму на средината на тркалезната маса, противникот ја става својата монета, а Маша ја става нејзината монета спротивно од монетата на противникот. Колегата повторно ја става монетата, Маша повторно ја става монетата спротивно од неговата, и така натаму до крајот на играта. Излегува дека противникот ќе го избере местото на масата, наспроти кое секогаш ќе има место за монетата на Маша. Како резултат на тоа, таа ќе ја стави последната монета. Можете сами да ја тестирате оваа теорија: навистина функционира.
4. 3 лица летале во балон. Но, дошло до проблем и балонот почнал да паѓа. Првин луѓето почнале да ги фрлаат вреќите со песок, за балонот да биде полесен, потоа ја фрлиле храната, па чевлите и на крајот морале да одлучат кој ќе скокне за останатите двајца да се спасат. Тие влечеле чкорчиња. Мртвиот човек го извлекол најкраткото чкорче и морал да скокне.
