Во 1913 година, американскиот романсиер Ерл Дер Бигерс го напишал мистериозниот роман насловен како „Седумте клучеви за Балдпејт“, кој стана познат по тоа што инспирирал седум филмски адаптации и една истоимената претстава на Бродвеј. Исто така, го инспирирале Гордон и Етел Мејс да го позајмат познатиот назив, како и темата на приказната, за нивниот планински хотел во Естес Парк, Колорадо.
„Седумте клучеви за Балдпејт“ е приказна за писател кој се обидува да напише роман во рок од 24 часа. Во потрага по мир и изолираност, романсиерот патува во оддалечено лето планинско одморалиште наречено Балдпејт Ин, во зимскиот период и се заклучува, верувајќи дека тој го има единствениот клуч. Но, во текот на ноќта, посетителите продолжуваат да влегуваат низ вратата, точно седум пати и секој од нив има свој клуч.
Семејството Мејс не само што го именувало хотелот Балдпејт Ин, туку и се обиделе да останат верни на приказната и на секој посетител му давале по еден клуч од нивната соба. Оваа традиција траела до избувнувањето на Првата светска војна, кога цената на металот станала толку скапа што Мејс не можел да ги подарува клучевите. Наместо тоа, лојалните посетители кои се враќале година по година почнале да оставаат клучеви зад себе. Наскоро гостите почнале да се натпреваруваат едни со други – кој ќе донесе најегзотичен клуч.
Денес, меѓу 30.000 клучеви што ги собрал Мејс од гостите, има клучеви за Пентагон, Вестминстер Аби, винарската визба на Моцарт, замокот Франкенштајн и бирото на Хитлер, како некои од најпознатите. Клучевите се прецизно категоризирани и нумерирани како во библиотека.
„Познатите“ клучеви се прикажани во стаклени кутии, а илјадници други клучеви се организирани според државата од која доаѓаат.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
