Понекогаш површината на нашата планета „пропаѓа“, формирајќи бездни од различен степен на длабочина. Често, за такви трикови е одговорна природата, но во многу случаи не би се случиле без човечка интервенција.
Додека теоретичарите на заговор и научниците се расправаат за потеклото на овие „портали до подземјето“, туристите одат само за да се фотографираат.
1. Портата до пеколот, Дарваза, Туркменистан
Овој кратер бил создаден од луѓето. Дарваза е во пламен уште од 1971 година, кога се копал бунар и излегол гас. За да не му наштети на локалното население кратерот бил запален и се очекувало дека ќе изгасне за ден-два. Но, пламенот сѐ уште гори, а понекогаш огнените јазици се зголемуваат до 10 метри. Дијаметарот на кратерот е околу 60 метри, а длабочината е 20.
2. Бунарот на Св.Патрик, Орвието, Италија
И покрај злокобниот изглед, овој бунар е изграден со благородни намери: да го снабдува градот со вода за време на опсадата, а згора на тоа е изграден под покровителство на црквата. Изградбата започнала во 1527 година, бидејќи во тоа време папата Климент VII се преселил во Орвието по заземањето на Рим. Во случај на опсада, водата на магариња била транспортирана низ овој бунар до тврдината Алборноз.
3. Кратер на вулканот Јасур, островот Вануату
Јасур е активен вулкан на островот Вануату. Последната ерупција се случила во 2017 година. Племиња кои живеат на островот, веруваат дека кратерот на вулканот е населен со античко божество, кој може да се налути ако е вознемирено. Затоа, само старешините и шаманите имаат право да се искачат на вулканот.
4. Голема дупка во Кимберли, Јужна Африка
Гигантската дупка е огромен неактивен рудник за дијаманти во Кимберли. Тешко е да се замисли, но луѓето во потрага по дијаманти успеале да го ископнат овој рудник без употреба на машини.
5. Голема Сина дупка, Белизе корален гребен
Оваа бездна има дијаметар од 305 метри и длабочина од 120 и е формирана на природен начин. Таа привлекува многу нуркачи, но земала многу човечки жртви. Локалците дури имаат и неофицијално име за неа -„гробишта на нуркачи“.
6. Превртената кула на масоните, Португалија
Во португалската Синтра има мистериозна кула, изградена на почетокот на минатиот век. Таа служи како премин од темнина на светлина. Спиралните скалила кои ја опкружуваат го симболизираат преминот на круговите кон рајот или пеколот, во зависност во која насока треба да се оди. Некогаш, во кулата на Иницијацијата, масоните ги вршеле иницијативните ритуали. Висината на кулата е иста како модерна 10-катница.
7. Одводот на Браната Монтичело, Северна Калифорнија
Најголемата вештачка дупка е во САД. Овој гигантски одвод е изграден пред 50 години.
8. Ер Ванг Донг, Кина
Група спелеолози случајно откриле во Кина систем на пештери толку голем што создал свој екосистем. Овде можете да се нурнете во магла, па дури и да ги гледате облаците што се формираат под сводовите на оваа пештера. Подземните реки и езера во овој пештерски систем се населени со живи суштества, кои ги нема на ниту едно друго место на планетата. Овде можете да сретнете албино риби – кои живеат во целосна темнина.
9. Ајсризенвелт, Австрија
Оваа пештера се наоѓа на надморска височина од над 1.500 метри. Таа е најголемата ледена пештера во светот: 42 км во должина и 407 метри во длабочина, а обемот на мразот надминува повеќе од 30 илјади кубни метри.
10. Огромна бездна, Гватемала
На 1 јуни 2010 година, фабрика за облека и околни куќи пропаднале во земјата и се појавила огромна бездна. Истражувачите велат дека виновна е почвата, богата со варовник, која лесно се одмива со вода. А локалните жители го обвинуваат трошниот канализациски систем во градот.
11. Бездната Сарисаринама, Венецуела
Во Венецуела има тепуи – ова се специфични планински маси, остатоци од древно плато, изолирани од остатокот од светот. Во нив, пред стотици години, се формирале бездни, а најголемата е Сарисаринама.
12. Пештерата кај вулканот Мутновски, Русија
Обликувана од топлите извори и осветлена од таванот, во оваа пештера се прелеваат зелени, виолетови и сини нијанси, правејќи да се чувствувате како да сте влегле во некоја стара руска бајка.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
