Ако мислите дека светот станува поголема лудница од година во година, тогаш најверојатно сте во право. Всушност, секогаш имало чудни работи и најдовме најубедливи докази.
Откако ќе ги прочитате овие 11 историски факти ќе да ги гледате нашите предци и нивниот начин на живот во ново светло.
Судскиот процес со брачна борба
Во средновековна Германија, мажот и жената би можеле да ги решат своите спорови на еден прилично суров начин- брачен дуел. Според правилата, мажот морал да се бори сместен во јама, со една рака врзана за неговото тело, а со другата рака да држи стап. На жените им било дозволено да се движат во ограничена област и да користат торба со камења како оружје.
Уништување на алкохол
Забраната за продажба, производство и дистрибуција на алкохол во САД започнала во 1920 година и траела до 1933 година. За време на овој временски период, полицијата проверувала сомнителни објекти и домови за да пронајдат нелегален алкохол, произведени во подземни пивари низ целата земја. На фотографијата погоре, агенти за забрана уништуваат алкохол за време на една таква рација во Детроит во 1929 година. Оваа практика била прилично честа за време на „сувиот“ закон.
Победа освоена по смртта
Дури и неговата сопствена смрт не го спречи националниот херој на Шпанија, Ел Сид, да ја освои својата последна битка со Маврите. Пред една од неговите битки, тој бил ранет со отруена стрела и умрел. За да се спречи армијата да не дознае за смртта на својот водач и да го изгуби борбениот дух, сопругата на Ел Сид, Химена Дијаз, го ставила телото на нејзиниот сопруг во неговиот оклоп и го поставила на неговиот коњ. Чудно, но трикот функционирал и армијата под „команда“ на починатиот херој ја остварила големата победа.
Споменикот на лева чизма
Постојат многу чудни споменици во светот. Скулптори и уметници од минатото понекогаш создавале чудни уметнички дела како што прават нашите денешни уметници. На пример, во Националниот историски парк Саратога во САД, постои споменик во чест на повредената лева нога на генерал-мајорот Бенедикт Арнолд, учесник во Војната за независност.
Животни на суд
Во средниот век луѓето не биле единствените кои биле однесени на суд, туку тоа „право“ им било дадено и на животни. Најчесто домашните животни завршувале на суд: мачките биле обвинувани за вештерство, како и крави, кокошки (особено петел што носел јајце) и свињи. На сликата е прикажано судење на свиња, која убила дете.
Ѕвоното протерано во Сибир
Не само животни, туку и неживи предмети биле предмет на пресуди во минатото. Тоа се случило со црковно ѕвоно од Углич – било обвинето за информирање на жителите на градот за смртта на принцот Димитриј во 1591 година, што предизвикало бунт на луѓето.
Виновното ѕвоно било осудено на отсекување на јазикот и камшикување, а потоа било прогонето во Сибирскиот град Тоболск, каде што останало 300 години, по што било вратено. Денес, ѕвоното може да се види во Државниот историски, архитектонски и уметнички музеј.
Смрт за доброто на убавината
Модерната потрага по мермерна бела кожа и руменило постоеле во 17-тиот и 18-тиот век. Ceruse, или бело олово, само ја влошило состојбата на кожата и ги принудило девојките да ја применат оваа „козметика“ во подебели слоеви. Но, оваа токсична шминка водела до смрт.
Прекрасната грофица, која ја гледате на овој портрет е Марија Ковентри и таа е позната во историјата како „жртва на шминка“, починала на 30 септември 1760 година, на само 27 години од труење со олово. Но, дури и овие видови на инциденти не ги спречиле дамите во нивната потрага по мода и привлечност.
Црни заби
Оваа традиција, чудна за повеќето современи луѓе, била честа кај луѓето од Југоисточна Азија, Јужна Америка, Јапонија (таму е позната како “ohaguro”), Африка и Западна Европа во 16 и 17 век. Постојат неколку начини да се објасни појавата на овој обичај: желбата да се сокрие лошата состојба на забите, да се заштитат забите од распаѓање со помош на посебен лак или да се создаде илузија дека забите се оштетени од распаѓање, бидејќи оваа болест во тие денови укажувала дека личноста е богата, бидејќи само богатите луѓе можеле да си дозволат да јадат шеќер.
Прободување на телото со разни оружја
Холандскиот уметник и дизајнер Мирин Дајо (вистинското име – Арнолд Герит Хенскес) станал познат по тоа што можел да го прободе своето тело со мечеви и друго оружје без да си наштети. Тој исто така јадел стакло и сечила кои не му пречеле, за разлика од неговите гледачи кои често се онесвестувале кога го слушале звукот направен од меч кога ја гребе коската (исто така немало крварење кога тој ги правел овие работи) .
Портрети без глава
Со доаѓањето на Викторијанската ера, на луѓето им станале досадни обичните портрети. Во тие денови имало различни видови на трендови – на пример, фотографии без глава. Недостатокот на фотошоп бил компензиран од остар ум на фотографите кои манипулирале со негативите и ретуширањето.
Мумијата на новата ера
Англискиот филозоф од 19 век, Џереми Бентам, имал извонредна личност. Тој бил првиот што го претставил концептот „државна одговорност“ на граѓаните, бил поддржувач на еднаквоста на жените, се залагал за правата на животните и го бранел принципот на најголема среќа за најголемиот број луѓе.
Но, како што често се случува со извонредните личности, Бентам имал некои чудни особини. Во неговиот тестамент, филозофот побарал неговиот скелет да се стави во иста позиција во која седел за време на неговиот живот на Универзитетскиот колеџ во Лондон, каде што ги држел своите предавања. Необичното барање било исполнето токму онака како што сакал тој, иако главата на Бентам била заменета со восочна копија заради презентибилност.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
